15/03/2013 18:01:53

Çështja e të pagjeturve në dialogun me Serbinë

14 vjet pas luftës së përfunduar në qershorin e vitit 1999 ende nuk janë gjetur rrëth 1770 të zhdukur

PRISHTINË - Çështja zbardhjes së fatit të të pagjeturve tashmë është ngritur në dialogun ndërmjet Kosovës dhe Serbisë dhe do të diskutohet më në detaje në raundet e ardhshme, tha sot zv/kryeministri kosovar e ministër i Drejtësisë, Hajredin Kuçi. Megjithatë, theksoi ai, ndonëse kjo çështje do të diskutohet në nivel kryeministrash, është tejet e rëndësishme që ajo të mbetet më shumë çështje humanitare sesa politike.

“Prandaj, pavarësisht diskutimeve në nivelin politik, interesi i të dyja palëve që të gjinden personat e pagjetur duhet të jetë shtytësi kryesor i bashkëpunimit të palëve në nivel teknik”, tha Kuçi. Zv/kryeministri kosovar ka pritur në takim një delegacion të Komitetit Ndërkombëtar të Kryqit të Kuq, Misioni në Kosovë, të kryesuar nga Shefi i Misionit, Agim Gashi, ku ka marrë pjesë edhe kryetari i Komisionit Ndërqeveritar për Persona të Pagjetur, Prenkë Gjetaj.

Në takim u diskutua për disa nga çështjet kryesore të cilat sfidojnë procesin e zbardhjes së fatit të personave të pagjetur. Në Kosovë, mëse 14 vjet pas luftës së përfunduar në qershorin e vitit 1999 ende nuk janë gjetur rrëth 1770 të zhdukur.

HermesNews - ©2013

Dërgo me email | Stampo artikullin