09/03/2013 05:53:29

Ermira Babamusta është gruaja ndërkombëtare e kurajos

Një nga gratë e dalluara për kontributin e saj për paqe, promovim të drejtave të gruas dhe vlerave kulturore

TIRANE - Me 8 mars 2005 Instituti i Paqes Kessel (Kessel Peace Institute) nderoi Ermira Babamustën me çmimin Gruaja Ndërkombëtare e Kurajos (International Woman of Courage Award), si një nga gratë e dalluara për kontributin e saj për paqe, promovim të drejtave të gruas dhe vlerave kulturore për ShBA-në, Shqipërinë dhe Kosovën.

Për këto tema, Ermira Babamusta është angazhuar duke dhënë leksione të ndryshme, seminare për publikun amerikan, prezantime kulturore dhe ka trajnuar diplomatë të Ministrisë së mbrojtjes dhe kulturës në Angli në përgatitje për shërbim në Kosovë.

Instituti i Paqes Kessel është themeluar nga Abbas Kessel, aktivist i paqes dhe profesor i shkencave politike në universitetin “Minnesota State University”, ku Ermira ka përfunduar masterin e parë.

"Jam krenare që shqiptarët, sidmos gratë shqiptare kanë nderuar kombin nëpër botë me arritjet dhe sukseset e tyre, duke portretizuar një figurë të fuqishme", tha Ermira Babamusta.

Ermira ka fitur çmimin Hanson Award (2003), dhuruar grave me arritje akademike të dalluara, dhënë gjatë Ditës së Nderimeve te Waldorf College, në Iowa.

Ilir Berisha

Dërgo me email | Stampo artikullin