08/03/2013 18:22:06

Ekspozitë me gratë piktore në Shkodër

Qëllimi i kësaj ekspozite është prezantimi përmes pikturave të artisteve më të shquara shkodrane

SHKODËR - Piktoret më në zë të qytetit te Shkodres, Ermira Jahja, Liliana Çefa, Xheneta Kadillari, Nirvana Baja, Ikbal Kalaja dhe Mirsa Hysa, ekspozuan sot pikturat e tyre më të mira në mjediset e Qendres së Informimitt e Bashkimit Europian ne Shkodër.

“Qëllimi i kësaj ekspozite është prezantimi përmes pikturave të artisteve më të shquara shkodrane, i vlerave më të mira të shoqërisë, të mishëruara në gratë shqiptare, të sjella artistikisht në kontekstin e integrimit evropian të vendit”, tha gjatë përshëndetjes së saj, Mirjam Angoni, koordinatore e zyrave të Qëndrave të Informimit të Bashkimit Europian, ne Shkodër e Vlorë. Sipas saj, vetë tema e kësaj ekspozite “Nuk ka Integrim në BE pa Fuqizimin e Gruas”.


Gjashtë piktoret e njohura shkodrane, të prezantuara secila me nga dy punime të realizuara me një teknikë prej vaji, ku kryesisht spikasin kompozimet, pasi kanë marrë urimin për festen e 8 Marsit shoqëruar edhe me buqetat e luleve të freskta, janë shprehur të emocionuara për respektin që morën nga drejtuesit e Qendres së Informimit te Bashkimit Europian.

HermesNews - ©2013

Dërgo me email | Stampo artikullin