04/03/2013 11:29:07

Kunguj të mbushur me mish të grirë dhe salcë limoni

nga Chef Renato Mekolli

Sekretet e aromave të Renatos Përbërësit: 10 kunguj të vegjël, 400 gr mish viçi i grirë,1 filxhan çaji oriz, 1 filxhan çaji vaji ulliri, 2 vezë, 1 qepë e grirë, 3 qepë të njoma, 1/2 tufë koper, 1/2 tufë mendërz, pak rigon,1/2 filxhani çaji lëng limoni, kripë, piper.

Përgatitja: Lajme kungujt, i presim pak sipër dhe me ndihmën e një thike të vogël i hapim nga brenda, që t'i mbushim më pas. Në një tigan vendosim 1/2 e filxhanit të vajit, qepen, kripën, e skuqim pak, por pa marrë ngjyrë dhe më pas vendosim mishin e grirë. Vazhdojmë të trazojmë mishin me qepën për pak minuta akoma dhe në fund vendosim koprën, menderzën, rigonin, piperin dhe orizin.

E trazojmë gjellën për pak dhe i hedhim 1 gotë uji, ose lëng mishi, ose perimesh. Pasi t'a këtë pirë lëngun, e heqim nga zjarri, e lëmë të ftohet dhe mbushim kungujt. Pasi t'i kemi mbushur, i vendosim bukur në një tenxhere, hedhim vajin që na ka ngelur, 3 filxhan çaji ujë dhe e lëmë deri sa të jetë gjella gati, duke e zjerë gjithmonë në zjarr të avashtë.

Në një kupë rrahim vezet me limonin, vendosim në të pak nga lëngu i gjellës që kemi në tenxhere. Vezën me limonin i vendosim në tenxhere dhe e heqim nga zjarri....mmmm, fjala e Renatos miq, ka për të qenë shumë e mirë ! Ju bëftë mirë !

HermesNews - ©2013

Dërgo me email | Stampo artikullin