01/03/2013 18:06:35

Statusi i vetereranit i UCK-së: 51,835 aplikacione

4 mijë 489 persona kanë aplikuar që t’iu njihet statusi i invalidit, kurse 2 mijë e 597 familje apo familjarë kanë aplikuar që t’iu njihet statusi i dëshmorit të kombit për të rënët e tyre

PRISHTINË - Një ditë pasi është përmbyllur afati për aplikimin për njohjen e statusit të veteranit, invalidëve, pjesëtarëve dhe të internuarve, kryetari i Komisionit Agim Çeku, ka bërë të ditur sot se janë dorëzuar 51 mijë 835 aplikacione për njohjen e statusit të veterani të Ushtrisë Çlirimtare të Kosovës. 4 mijë 489 persona kanë aplikuar që t’iu njihet statusi i invalidit, kurse 2 mijë e 597 familje apo familjarë kanë aplikuar që t’iu njihet statusi i dëshmorit të kombit për të rënët e tyre. Megjithatë, afati për dorëzimin e aplikacioneve do të zgjatet deri më 15 mars. Komisionit Qeveritar për njohjen dhe verifikimin e statusit të veteranëve, invalidëve, pjesëtarëve dhe të internuarve të UÇK-së ka mbajtur sot takimin e radhës. Pas mbylljes së afatit për aplikim, Komisioni do të punojë në përcaktimin e kritereve, kategorizimin e aplikuesve dhe përcaktimin e kritereve për çdo kategori.

HermesNews - ©2013

Dërgo me email | Stampo artikullin