24/02/2013 14:18:04

Basket/ Vllaznia, dy fitore radhazi

Që të dy ndeshjet janë zhvilluar në pallatin e sportit Qazim Dervishi të Shkodrës, ku ballafaqimi i parë ka qënë ai, Vllaznia-Elbasani për femra

SHKODËR - Ekipet e basketbollit të Vllazinë, për femra dhe meshkuj kanë realizuar dy fitore të rëndësishme këtë fundjavë, duke mundur respektivisht, Elbasanin dhe Partizanin. Që të dy ndeshjet janë zhvilluar në pallatin e sportit Qazim Dervishi të Shkodrës, ku ballafaqimi i parë ka qënë ai, Vllaznia-Elbasani për femra. Ekipi shkodran i drejtuar nga trajneri Rajmond Rasha, e ka kontrolluar totalisht të gjithë ndeshjen, duke fiksuar në përfundim një rezultat tre shifror, 105 me 52 (3012, 21-17, 28-10, 26-13).

Një avantazh ky shumë i thellë me diference porej 53 pikësh që nuk ndodh shpesh në kampionatin shqiptar, për të cilen dëshmon se pas jnë pauze disa vjeçare në rolin e protogonistit, tashmë do të jetë i tillë në kampioantin shqiptar. Me fitore e kanë mbyllur ndeshjen e tyre edhe basketbollistët meshkuj të Vllaznisë, fitore kjo që i pozicionon ato si pretendente serioze për fitimin e titullit kampion. Perioda e parë, gjatë së cilës tekniku Bledar Gjeçaj aktivizoi formacionin e tij më të mire prezanton një superioritet të dukshëm të Vllaznisë. Në mbyllje të dhjetëminutëshit të parë, tabela elektronike fikson shifrat 18 për vendasit dhe vetem 4 për miqtë, shifra këto që për hirë të së vertetes, nuk janë hasur herë të tjera në Qazim Dervishi.

Temperaturat e ulta, shoqëruar edhe me reshjet e dendura të shiut, provokuan jo pak herë rrëshqitjen e basketbollistëve në fushën e lojës, gjë e cila u shoqërua disa herë edhe me ndërpreje të ndeshjes. Një problem ky që duhet parë me shumë seriozitet nga drejtuesit e klubit Shumësportesh Vllaznia, pasi në një situatë të tillë, është e vështirë që të zhvillohen ndeshjet e ardhshme të kampionatit, jo vetem për basketbollistët, por në përgjithësi për të gjithë ekipet e lojrave me dorë.

HermesNews - ©2013

Dërgo me email | Stampo artikullin