18/02/2013 19:41:34

Sokol Sejdo, muzikanti qe flet Jazz

Koncert përmes lojës së 4 muzikantëve të talentuar, si Emiljano Dhima në bateri, Visar Kuqi në kontrabas, Erjon Medha në kitar dhe Sokol Sejdo saksofon

TIRANË - Për Sokol Sejdon, saksofoni është mikrofoni i shpirtit, me të cilin ai mund të shprehet lirshëm në gjuhën e Jazzit. Dy vjet pas koncertit të parë me quartetin e tij, ai së bashku me 3 muzikantë tjerë kanë vendosur të vijnë sërish për publikun shqiptar në një mbrëmje Jazzi, në 28 shkurt në sallën e Universitetit të Arteve në Tiranë.

Në një intervistë, Sejdo thotë se “ky koncert jazz vjen i dytë në rradhë dhe mendoj ta kthejmë në një ritual. Artistit i duhet kohë për të akumuluar, dhe një shkëputje prej 2 vjetësh është i mjaftueshëm për këtë proçes. Çdo artist pas një periudhe të caktuar kohe ka se çfarë të tregojë për publikun. Muzikanti shpreh gjithë bagazhin e tij, sidomos në muzikën jazz spikat vështirësia e lojës profesioniste, sepse muzika jazz është improvizuese”.

Koncerti do të vijë për publikun shqiptar përmes lojës së 4 muzikantëve të talentuar, si Emiljano Dhima në bateri, Visar Kuqi në kontrabas, Erjon Medha në kitar dhe Sokol Sejdo saksofon.

Programi i mbrëmjes do të përfshijë katër rryma të ndryshme për tiu përshtatur pëlqimeve të publikut. “. Kemi zgjedhur të interpertojmë pjesë të rrymës sëing, balada, latin jazz dhe dy pjesë funky që është pak më modern për publikun”, tha Sejdo. Më konkretisht pjesët që do të interpretohen janë “Sweet Georgia Brown”, “Lester leaps”, “ Nature boy”, “So what”, “Cold Duck Time”, “ As Time Goes By” dhe “SPAIN”.

Saksofonisti Sokol Sejdo e konsideron Jazzin si një gjuhë të huaj, dhe një muzikant që pretendon të luajë atë, duhet ta asimilojë mirë këtë gjuhë. Ndonse është autodidakt në ritmet e jazzit, ai tregon se dashuria e tij për këtë ritëm dhe saksofonin lindi pas diplomimit të tij për klarinetë.

HermesNews - ©2013

Dërgo me email | Stampo artikullin