14/02/2013 09:25:49

Klubi Vllaznia me President te ri

Mark Krroqi do te drejtoje skuadres e Shkodres

SHKODËR - Mark Kroqi do të jetë shefi i ri i klubit shumë sportesh “Vllaznia”, pas largimit nga kjo detyrë e Gëzim Memës, pas mbushjes së moshës së pensionit.

Gjatë prezantimit të drejtuesit të ri të ekipit kuqeblu, nënkryetari i bashkisë së Shkodrës, Ritvan Troshani, e vlerësoi Krroqin si një nga figurat më të spikatura të volejbollit shqiptar, ku prej më shumë se 20 vitesh ai kontribuoi për Vllazninë, por edhe për ekipet e Dinamos, 17 Nëntorit, Studentit dhe ekipit tonë Kombëtar.

Në CV-në e Krroqit, tre herë fitues i Kupës së Republikes me “Vllazninë”, disa herë i shpallur si volejbollisti më i mirë i Shqipërisë dhe për rreth dhjetë vite fitues në Anketën e Sportistëve më të mirë të vendit, bëjnë pjesë edhe vlerësimet e tij në vite, si titulli “Mjeshtër Sporti”, “Nderi i Sportit Shkodran”, Medalja e Argjendë, akorduar nga Ministria e Kulturës, Rinisë dhe Sporteve, etj.

Në një prononcim, Krroqi falenderoi për besimin që i dhanë dhe premtoi se përvojën e tij shumë vjeçare si sportist do të përpiqet ta vërë në dispozicion të klubit kuqeblu, tashmë si drejtues, me synimin e arritjeve të rezultateve sa më pozitive.

HermesNews - ©2013

Dërgo me email | Stampo artikullin