13/02/2013 12:23:43

Mitrovica nis festimet per pervjetorin e pavaresise

Manifestimi qendror mbahet në mbrëmjen e 16 shkurtit në Qendrën e Kulturës “Rexhep Mitrovica”, ndërsa pjesë e festimeve janë edhe aktivitetet sportive që hapen nesër në ambientet e shkollave Çajupi dhe Migjeni

PRISHTINË - Mitrovica, qyteti më i madh verior i vendit, nis festimet e 17 shkurtit, 5 vjetori i Pavarësisë së Kosovës, sipas axhendës së njoftuar sot zyrtarisht nga komuna.

Manifestimi qendror mbahet në mbrëmjen e 16 shkurtit në Qendrën e Kulturës “Rexhep Mitrovica”, ndërsa pjesë e festimeve janë edhe aktivitetet sportive që hapen nesër në ambientet e shkollave “Çajupi” dhe “Migjeni”.

Veprimtaritë në Ditën e Pavarësisë, 17 Shkurt, nisin me Homazhe Dëshmorëve të Lirisë e Pavarësisë, për të vazhduar me Seancën Solemne të Kuvendit të Komunës së Mitrovicës, prerjen e Tortës së Pavarësisë në Sheshin e Jasharëve, Koncerti i Pavarësisë në Sheshin “Mehë Uka”, e pastaj me hapjen e Shampanjës së Pavarësisë, me shfaqje e Teatrit të Qytetit dhe më pas në mbrëmje me ndezjen e fishekzjarreve.

Ndërsa, në Prishtinë, një nga paralajmërimet për veprimtaritë e festës vjen sot nga Posta e Kosovës, e cila në 15 shkurt do bëjë promovimin e pullës postare “5 Vjet Pavarësi”.

HermesNews - ©2013

Dërgo me email | Stampo artikullin