10/02/2013 16:03:19

Konkurs për ndërtesat e diktaturës: pjesmarrës 11 shtete europiane

Të gjitha punimet e përzgjedhura do të jenë pjesë e një ekspozite të quajtur Totally Lost e cila do të organizohet nga Spazi Indecisi, organizata koordinuese e konkursit, në qershor 2013, në një godinë të arkitekturës totalitare në Forli të Italisë

TIRANË - Projekti europian ATRIUM-Arkitektura e Regjimeve Totalitare e Shekullit XX në Menaxhimin Urban, pjesë e të cilit është edhe Bashkia e Tiranës, ka shpallur konkursin transnacional të fotografisë dhe videos me temë mbi trashëgiminë arkitekturore të regjimeve totalitare.

Partnerët e ATRIUM-it nga 11 vende të Europës Juglindore ftojnë fotografët dhe cilindo tjetër të fotografojë apo të prodhojë video të monumenteve, ndërtesave, uzinave, fabrikave, objekteve politike dhe propagandistike të periudhës së fashizmit dhe komunizmit, që janë ende në funksion apo janë abandonuar dhe, t’i paraqesin në konkurs.

Fotografitë dhe videot do të botohen në katalogun e ekspozitës, i cili do t’u jepet të gjithë fotografëve dhe prodhuesve të përzgjedhur të videove. Afati i fundit për të dërguar fotot apo videot është data 21 mars. "ATRIUM” ka të bëjë me fushën e kulturës dhe turizmit, duke e kthyer arkitekturën e ndërtesave të regjimeve totalitare në Shqipëri në një objekt turistik.

HermesNews - ©2013

Dërgo me email | Stampo artikullin