08/02/2013 09:52:58

Ndahet nga jeta ish futbollisti i Flamurtarit Alfred Zijaj

Ish- mesfushori i talentuar i Flamurtarit ka luajtur tre herë edhe me fanelën e Kombëtares shqipare të futbollit

TIRANE - Është ndarë sot nga jeta në moshën 52 vjeçare ish-futbollisti i njohur i Flamurtarit të Vlorës dhe i Kombëtares shqiptare, Alfred Zijai. Alfred Zijaji është një nga futbollistët më të njohur të Flamurtarit, por edhe futbollit shqiptar në vitet '80. Ai ka qënë pjesë e Flamurtarit që arriti të kualifikohet në turin e tretë të një kompeticioni ndërkombëtar, duke u eliminuar në turin e tretë nga Barcelona
Ish- mesfushori i talentuar i Flamurtarit ka luajtur tre herë edhe me fanelën e Kombëtares shqipare të futbollit. Pas viteve 2000 ai krijoi shoqatën e minifutbollit dhe futbollit të sallës. Ai ishte edhe anëtar i komitetit ekzekutiv të FSHF-së. Prej tre vjetësh Zijaji vuante nga një sëmundje e rëndë për t'u ndarë sot nga jeta në 52 vjetorin e lindjes.

HermesNews - ©2013

Dërgo me email | Stampo artikullin