05/02/2013 11:25:26

Përfundon recitali i aktorit Elvis Pupa

Aktori shqiptar kthehet me një format të ri për Shqipërinë

SHKODËR - Pas dy ditëve interpretim në skenen e teatrit Migjeni të Shkodres, aktori i mirënjohur i humorit shqiptar, Elvis Pupa, ka mbyullur me sukses të plotë turneun e tij në qytetet e Shqipërisë me shfaqjen “100 Vjet shteti më i lumtur… Më Shqipëri”.

“Jo më kot e kisha programuar qytetin e Shkodrës si etapen e fundit të permbylljes së turit tim në Shqipëri, pasi në këtë qytet, me një publik artdashës dhe të dashuruar pas kësaj gjinie, kam kujtime shumë të bukura me sukseset e shfaqjeve të mëparshme të dhëna në teatrin Migjeni”, tha aktori Elvis Pupa, në një prononcim.

"Publiku shkodran më priti edhe më mirë se e kisha parashikuar. Salla e tejmbushur për dy ditë me radhë e pasqyron një gjë të tilë, ndaj edhe unë, ashtu si edhe heret e tjera, u jam shumë mirënjohës spektatorëve shkodranë, dhe ju siguroj që shumë shpejt do të rikthehem përsëri në këtë skenë”, vijoi Pupa.

I pyetur rreth formatit të shfaqjes, modeli i së cilës me vetem një aktor në skenë duke përformuar për mbi 80-të minuta, Pupa, i cili duke jetuar vitet e fundit në SHBA ka fituar një përvojë dhe profesionalizëm më shumë në fushën e aktrimit, tha se “është një format i njohur dhe i pëlqyer në të gjithë botën, që unë e kam dëshiruar prej vitesh, por që tani erdhi momenti ta shfaqja për Shqipërinë”.

HermesNews - ©2013

Dërgo me email | Stampo artikullin