05/02/2013 11:20:20

EULEX lë të lirë shtatë persona të akuzuar për krimë lufte

Trupi gjykues i shpalli të akuzuarit të pafajshëm për akuzat për krime lufte ndaj popullatës civile

PRISHTINË - Trupi gjykues i përbërë nga një gjyqtar i EULEX-it dhe dy gjyqtarë vendas, i kryesuar nga gjyqtari i EULEX-it në Gjykatën Themelore në Prizren shpalli të pafajshëm shtatë të akuzuar për krime lufte. EULEX njoftoi pak më parë se, trupi gjykues i shpalli të akuzuarit Ejup Kabashi dhe Sokol Bytyqi të pafajshëm për akuzat për krime lufte ndaj popullatës civile, pasi nuk është dëshmuar se në korrik 1998 ata kanë zbatuar masa të terrorit dhe kërcënimit kundër popullatës civile serbe nga Opterusha. Të akuzuarit Mustafa Hoti, Milaim Hoti, Naser Hoti, Nexhmedin Berisha dhe Jetulla Kabashi u shpallën të pafajshëm, sepse nuk është dëshmuar që ata i kanë ndihmuar Ejup Kabashit në kryerjen e krimeve të lartpërmendura. Rasti është ndjekur penalisht nga prokurori special i EULEX-it nga Zyra e Prokurorisë Speciale të Kosovës.

HermesNews - ©2013

Dërgo me email | Stampo artikullin