25/01/2013 06:09:25

Në Serbi rreth 12.036 libra amzë

EULEX bëri të ditur se këto kopje, të cilat përfshijnë komunat Lipjan, Obiliq dhe Fushë Kosovë, janë përgatitur dhe vërtetuar gjatë dy muajve të fundit

PRISHTINË - Vlerësohet se në Serbi ndodhen rreth 12,036 libra amzë, ndërkohë që sot EULEX-i ia dorëzoi Agjencisë për Regjistrim Civil të Kosovës 972 kopje të vërtetuara të librave amzë. EULEX bëri të ditur se këto kopje, të cilat përfshijnë komunat Lipjan, Obiliq dhe Fushë Kosovë, janë përgatitur dhe vërtetuar gjatë dy muajve të fundit. Kopjet e vërtetuara të librave amzë origjinalë janë pjesë e marrëveshjes nga dialogu i lehtësuar nga BE-ja e arritur në 2 korrik 2011 ndërmjet Prishtinës dhe Beogradit. Deri tani EULEX-i i ka dorëzuar 1331 kopje të vërtetuara të librave amzë.

HermesNews - ©2013

Dërgo me email | Stampo artikullin