25/01/2013 05:51:14

Xavier De Marnhac lë mandatin

Kryeparlamentari Krasniqi priti kryesuesin e EULEX-it, Xavier De Marnhac

PRISHTINË - Kryetari i Kuvendit të Republikës së Kosovës, Jakup Krasniqi, priti Xavier De Marnhac, kryesues i Misionit të EULEX-it në Kosovë, në përfundim të mandatit të tij. Krasniqi i shprehu mirënjohjen De Marnhac për kontributin e tij në krye të këtij misioni dhe më parë si komandant i KFOR-it. Ai shprehu mirënjohje dhe ndaj shtetit të Francës për gjithë atë që ka bërë e bën për të mirën e Kosovës. Në vijim ai i bëri një vështrim të gjerë angazhimit të Kuvendit të Kosovës në aprovimin e ligjeve dhe të punës që bëhet për zbatimin e tyre, duke u ndalur posaçërisht në bashkëveprimin e frytshëm të Kuvendit të Kosovës dhe të institucioneve euroatlantike në procesin e sundimit të ligjit në Kosovë. Duke folur për rezultatet që i ka shënuar Kosova, ai vlerësoi sidomos përfundimin e fazës së mbikëqyrjes ndërkombëtare të Kosovës dhe uroi për arritje të mëtejshme.

HermesNews - ©2013

Dërgo me email | Stampo artikullin