18/01/2013 07:09:33

Edipi Mbret, premierë në Tiranë

Shfaqja është një produksion i Teatrit Kombëtar në bashkëpunim me Teatrin Kombëtar të Kosovës, i cili i është besuar regjisorit kosovar Ilir Bokshi

TIRANË - Kasti i shfaqjes “Edipi Mbret” ka filluar nga provat për premirën e parë të Teatrit Kombëtar që pritet të ngjitet në skenë në fillim të muajit mars. Shfaqja është një produksion i Teatrit Kombëtar në bashkëpunim me Teatrin Kombëtar të Kosovës, i cili i është besuar regjisorit kosovar Ilir Bokshi. Pas kryerjes së audicioneve për gati dy javë, mes rreth 70 aktorëve u përzgjodhën 16 aktorë që do të interpretojnë në veprën e Sofokliut. Nga Teatri i Prishtinës do të jëtë jo vetëm regjisori, por edhe kompozitori, Trimor Dhomi, skenografi Petrit Bakalli dhe kostumet nga Vesa Kraja, ndërkohë që aktorët do të jenë të gjithë të TK-së. Tragjedia e ngacmoi regjisorin dhe ai pritet ta sjellë atë si një pjesë ritmike mes këngëve polifonike si vazhdimësi korale.

HermesNews - ©2013

Dërgo me email | Stampo artikullin