16/01/2013 17:06:11

Zgjidhet presidenti i hipizmit ne Tirane

Presidenti i ri, Allajbeu tha se prioritete e këtij viti janë organizmi i sa më shumë garave kombëtare dhe pjesëmarrja në të paktën një garë ndërkombëtare

TIRANË - Asambleja e Përgjithshme e Sporteve me Kuaj zgjodhi sot Klodian Allajbeun, President të Federatës së Hipizmit, për një mandat katër vjeçar. Gjatë konferencës për mediat, Presidenti i ri, Allajbeu tha se prioritete e këtij viti janë organizmi i sa më shumë garave kombëtare dhe pjesëmarrja në të paktën një garë ndërkombëtare.

“Një tjetër objektiv është edhe organizimi i garave edhe në disiplina të tjera, jo vetëm në atë të kërcimit me pengesa”, tha Klodian Allajbeu. Ky i fundit është gjithashtu edhe Drejtor i Spitalit Amerika.

HermesNews - ©2013

Dërgo me email | Stampo artikullin