15/01/2013 05:20:10

Serbia siguron bazat ushtarake në Preshevë

Ministri i Mbrojtjes ka bërë të ditur se Serbia shumë shpejt do të reagojë ndaj monumentit të diskutueshëm në Preshevë

PRESHEVE - Lugina e Preshevës në Serbi ka marrë kërcënim nga Beogradi. Ministri serb i mbrojtjes, Aleksandër Vucic ka vizituar bazën ushtarake afër Bujanovcit dhe bazën tjetër pranë kufirit me Kosovën.

Komandati i brigadës së katërt, gjenerali, Milosav Simovic, i ka dorëzuar një raport ministrit dhe shefit të ushtrisë ku thekson se situata është e qëndrueshme por e ndjeshme.

Ministri i Mbrojtjes ka bërë të ditur se Serbia shumë shpejt do të reagojë ndaj monumentit të diskutueshëm në Preshevë.

“Shqiptarët kanë bërë thirrje për ndërkombëtarizimin e problemit por kjo nuk do të thotë se do të shkojnë gjërat në favor të tyre siç ndodhi në vitin 2001-2002”, tha ai.

Adem Demaçi, veprimtar për çlirimin e Kosovës u ka sugjeruar shqiptarëve të Serbisë, që të tregojnë se janë të gatshëm të japin jetën për lirinë e tyre, e jo të shikojnë karriget dhe luftën për pushtet.

HermesNews - ©2013

Dërgo me email | Stampo artikullin