18/11/2014 20:19:33

Ekzekutohet biznesmeni në lokal

Fillimisht 45-vjeçari ka marrë plagë të rënda dhe është transportuar në spitalin e Durrësit, por nuk ka mundur t’i mbijetojë

DURRES - Pronari i një lokali është ekzekutuar mbrëmjen e sotme me armë zjarri. Ngjarja ka ndodhur në lokalin “Bar Center” 40 metra larg bashkisë së qytetit të Durrësit. Viktima është Leonard Murataj 45 vjeç. Ai u qëllua me breshëri automatiku. Fillimisht 45-vjeçari ka marrë plagë të rënda dhe është transportuar në spitalin e Durrësit, por nuk ka mundur t’i mbijetojë plagëve të marra, të cilat i kishin prekur organet jetësore. Autori i krimit pai ka kryer vrasjen është larguar me një makinë, në drejtim të Fushë-Krujës. Personi i cili dyshohet se ka kryer vrasjen ka shfrytëzuar edhe motin e keq për të kryer krimin, sipas policisë. Dyshohet se vrasja ka ndodhur pas një konflikti në lokal.

HermesNews - ©2014

Dërgo me email | Stampo artikullin | Artikulli është lexuar 815 here