Eksluzive

18/10/2013 17:17:32

Gjigandët e artit në Kinë

Intervistë eksluzive për Hermesnews/ Flet historiani i artit Nicola Barbatelli: suksesi dhe vështirësitë për artistët italianë

KINE - Arti klasik dhe ai modern, janë bërë njësh për artistët, kritikët e artit dhe publikun e thjeshtë në Jinan, kryeqytetin e provincës Shandong në Kinë. 350 vepra të artistëve të famshëm ndërkombëtarë duke përfshirë edhe një artist shqiptar (Alfred Mirashin), si edhe vetë portretin origjinal të Leonardo da Vincit, janë vënë para artëdashësve në kryeqytetin e provincës. Nicola Barbatelli, historian arti dhe studiues prej shumë vitesh i ikonës Leonardoda Vinci, në një intervistë ekskluzive për HermesNews, tregon se publikimi i portretit origjinal të artistit të famshëm dhe veprave bashkë me të, janë dëshirë e madhe për artin dhe mundësi për vendasit në Kinë . “Unë luftova fort për këtë projek dhe ja ku e bëra realitet”.

Z. Nicola. Sot para publikut kinez shfaqet portreti origjinal i artistit Leonardo da Vinci dhe plot punime të tjera. Ju jeni ai që bëtë të mundur ardhjen e portretit, sic u tha me shumë mund. Si u bë e mundur kjo ekspozitë ndërkombëtare ?
Ka patur jo pak probleme. Madje mund të them shumë vështirë si. Kur ua thashë kolegëve të mi se cfarë po mendoja, pas kërkesës së mikut tim artist Vincenso Sanfo për ta publikuar portretin e Da Vincit dhe plot punime të tjera në Kinë, ata nuk po më besonin. Bëra shumë takime me artistë të famshëm italianë dhe më në fund vendosa që portreti origjinal të niset drejt kinës. Paraqitëm projektin, i cili për fat të mirë u aprovua dhe më në fund, ja ku jemi në këtë ekspozitë ndërkombëtare me kaq sukses.

Ju deklaroni se ky është portreti origjinal i Da Vincit. Nga e konfirmuat këtë ?
Portreti është tepër i vjetër. Sic e shikoni ka edhe dëmtime, kjo më tepër për shkak të kohës, e cila daton rreth 500 vjet më parë, kohë kur edhe ka jetuar vetë artisti. Për të bërë konfirmimet zyrtare, janë mbledhur një sërë studiuesish tepër të zotë në Itali por jo vetëm atje, të cilët kanë bërë ekzaminime tepër të forta në laboratorë . Pas një pune goxha të gjatë dhe jo pak të vështirë, u arrit të vërtetohej se bëhej fjalë për portretin origjinal të Da Vincit. Nga ekspertizat e shumta, është më tepër e besueshme vërtetimi për gjetjen e “shenjave të gishtave” të autorit, cka tregon se bëhet fjalë për portretin origjinal të tij.

A ka qenë e vështirë të sillej ky portret që nga Italia deri këtu në Kinë, ku sot po ekzpozohet para të interesuarve ?
Ka qenë tepër e vështirë. Këtu nis që nga mbajtja e portretit në ambjent të pastër gjatë kohës së qëndrimit në Itali. Më pas është vendosja në kuadratin e duhur prej xhami, i cili është shumë profesional, sepse portreti ka një moshë gati 500 vjecare dhe nuk mund të vihet kuturu. Për ta sjellë deri në Kinë, më është dashur mua dhe shumë artistëve të tjere si nga Italia dhe nga Kina, të gjenim kompanitë më të mira për transportin e veprave të artit. Pas kësaj, u bë përgatitja e dokumentacionit përkatës, proces që ka qenë shumë i vështirë. Gjithashtu, vendosja në ambalazhin e duhur, dërgimi me avion nga Italia drejt Kinës dhe deri në ekspozimin që po i bë het sot portretit para publikut.

Ka patur ndonjë problem në Kinë për portretin dhe veprat e tjera para ekspozimit ?
Nuk ka patur asnjë problem. Falë ndihmës së artistit dhe mikut tim Vincenso Sanfo, cdo gjë ka shkuar për mrekulli. Si nga qeveria kineze ashtu edhe kritikët e artit këtu në Kinë, nuk ka patur asnjë problem. Madje kemi patur mbështetje maksimale për gjithcka. I falenderoj pa masë për këtë mundë si dhe mbeshtjetje që më kanë dhënë mua dhe të tjerëve.

Cfarë do të ndodhë me portretin pas përfundimit të ekspozimit këtu në Kinë ?
Ka shumë për të bërë. Ka shumë plane. Ajo që kemi menduar aktualisht, është që pas përfundimit të ekspozimit këtu në Jinan, portreti mund të niset edhe në Pekin, por kjo cështje ende po diskutohet. Dua që portreti të kthehet në Itali, pasi prej gati 500 vjetësh kohe ka shumë nevojë për restaurim dhe mirëmbajtje. Kjo do të na ndihmojë të gjithëve të vazhdojmë studimet tona mbi Da Vincin, por edhe të kujdesemi dhe ta restaurojmë atë duke e sjellë në gjendjen më të mirë të mundshme.

Është menduar nga ju që portreti dhe vepra të tjera të ekspozohen dhe t’i paraqiten publikut në Shqipëri, pasi edhe afërsia është mundësi e mirë për ju ?
Po. Pajtetër që është menduar. Falë bashkëpunimit me artistin dhe mikun tim shqiptar Alfred Milot Mirashi, i cili është gjithashtu pjesë e kësaj ekspozite ndërkombëtare, kemi menduar që në momentin kur gjithcka të jetë gati dhe sapo të kenë përfunduar restaurimi, përgatitja e dokumentacionit dhe të gjitha hapat e duhura, pa asnjë mëdyshje dhe me kënaqësi të madhe, portreti i Leonardo da Vincit dhe veprat e artistëve ndërkombëtarë do të paraqiten para publikut shqiptar. Falë edhe afërsisë që kemi mes dy vendeve, sjellja e tyre do të jetë shumë më e lehtë se deri këtu në Kinë.

Në ekspozitë përvec portretit të Da Vincit, ka edhe shumë punime të tjera. Cfarë veprash janë dhe cfarë paraqesin ?
Përvec portretit origjinal të Leonardo da Vincit, në ekspozitë janë edhe 350 vepra të tjera të artistëve ndërkombë tarë si Picasso, Dali, Tolouse, Loutrec, Paladino dhe shumë të tjerë. Për herë të parë në një ekspozitë të tillë ndërkombëtare, merr pjesë edhe artisti shqiptar Alfred Milot Mirashi me dy vepra të tijat, tashmë të njohura. Ekspozita ka punime të cilatdatojnë para 500 vjetësh nga artistët që sapo përmenda, por ka edhe punime bashkëkohore. Janë 200 vepra antike dhe shumë të cmueshme, si dhe 150 vepra të artistëve bashkëkohorë, duke përfshirë edhe dy veprat e artistit shqiptar. Një lodhje shumë e madhe, por kënaqësi dhe sukses që nuk e kisha pritur.
//HermesNews ©2013// Na ndiqni dhe në Facebook dhe Twitter

nga Pekini Edison Myrteza

stampa | chiudi