18/11/2014 18:20:56

Prokuroria përfundon hetimet për vrasjen e katërfishtë

Prokurorët çojnë dosjen e Kostandin Xhuvanit në Gjykatë. Javën tjetër hidhet shorti

TIRANE - Dëshmitë, provat, dhe rindërtimi i ngjarjes të çojnë tek Kostandin Xhuvani. Dosja me emrin e tij, ku rëndojnë katër vrasje është dorëzuar në gjykatë dhe javën e ardhshme do të hidhet shorti. Në dorën e djahtë të tij janë gjetur prova të tjera që provojnë autorësinë mbi këtë ngjarje. Xhuvani ka patur grindje të çastit me dy viktima, ndërsa dy të tjerë janë vrarë gabimisht, kjo mund ti japë atij lehtësira gjatë gjykimit. Masakra ndodhi në lokalin "Ante Grand" në Tiranë. Autori i dyshuar ka qëlluar për vdekje në drejtim të shtetasve Edison Jaho dhe Enea Xhaj. Nga plumbat e qitur prej armës së përdorur nga i dyshuari Xhuvani, kanë mbetur të vdekur edhe shtetasit Arbër Demiraj dhe Gianpaolo Azzola. 26 vjeçari Xhuvani, i cili ndodhet në burgun e Fushë - Krujës në pritje të gjykimit akuzohet “vrasje në rrethana cilësuese….” dhe “prodhimi dhe mbajtja e armëve pa leje….”. Ai ka dëshmuar se nuk mban mend asgjë nga nata e 4 nëntorit. Nëse shpallet fajtor dënohet nga 25 vite burg, deri në burgim të përjetshëm.

HermesNews - ©2014

Dërgo me email | Stampo artikullin