18/11/2014 17:49:55

A u mori leje prindërve për të bërë betejën e postit ?

Shkarkohet drejtorja e shkollës ''28 Nentori'', Albana Bushati, nxënësit lënë mësimin deri në orën 14:00 (?!)

SHKODER - Kjo është hera e parë që nxënësit e gjimnazit më të vjetër në vend "28 Nëntori", hedhin firmat në letër për të qëndruar drejtoresha e shkollës në detyrë. Nuk ka mjaftuar peticioni. Ata kanë lënë mësimin për një ditë dhe janë shpërndarë, një pjesë shumë e vogël për të protestuar, pjesa tjetër nëpër kafe.

Prindërit a ishin njoftuar ? Kush ishte garant për sigurinë e tyre gjatë kohës që nuk ishin në shkollë por në rrugë ?

Drejtorja e shkollës Albana Bushati pas dy vitesh në këtë post, është zëvendësuar nga Zija Vukaj, por kjo nuk ka kaluar pa zhurmë. Krahu i djathtë i drejtores së arsimit në Shkodër Aferdita Haka, Arbi Brahusha, ka patur një takim aspak të qetë në zyrën e Bushatit që nuk ka paralajmëruar për largimin e nxënësve nga bankat e shkollës.

Haka, pas një takimi që ka patur me qeverinë e nxënësve të shkollës, te cilet po bëjnë një betejë që është më shumë se e tyre tyre, abuzive ndaj tyre, tha se reforma në arsim ka për të prekur dhe shkolla të tjera dhe se kjo protestë ishte e përdorur.

Nxenësit kanë dorëzuar një peticion në Drejtorinë Arsimore e cila nuk e ka marrë parasysh, por fakt është se një grup protestuesish minorenë, sot morën pjesë aktivisht në një reformë e cila shkon përtej tyre.

Pyetja është a janë të informuar të paktën aq sa drejtoresha e shkollës për të ?

HermesNews - ©2014

Dërgo me email | Stampo artikullin