06/11/2014 17:02:03

Ndalohen ritet fetare në ushtri

Masat e reja disiplinore për forcat e armatosura

TIRANE - Disiplina e re e forcave të armatosura ka rregulla të forta për ushtarakun apo dhe rezervistin. Në projektligjin e ri, flitet për 50 veprime që nuk u lejohen ushtarakëve. Qeveria propozon të ndëshkohen rastet kur postohen foto me veshje të ushtarakëve ose armatim por dhe sjelljet e padëshiruara seksuale dhe ngacmimet në ushtri. Ndalohet përgojimi i eprorëve dhe lojërat e bixhozit nëpër reparte. Si masë ndëshkuese parashikohen punët fizike plus punët shtesë dhe punë jashtë orarit, jo më shumë se katër orë dhe pa të drejtë page. Ndër verejtjet e rënda parashikohen dhe ato me shkrim. Në platformë ndalohet rregjistrimi i bisedës me eprorët, vartësit apo kolegët pa dijeninë e tyre, kritikat publike ndaj Forcave të Armatosura, mbajtja e uniformës ushtarake në lokale nate, publikimi i fotove me uniformë ushtrie nëpër rrjete sociale etj. Për shkelje masa më e rëndë është vërejtja me shkrim dhe lirimi nga detyra.

HermesNews - ©2014

Dërgo me email | Stampo artikullin