06/11/2014 12:07:40

Meta garanton për mazhorancën

Kryeparlamentari Ilir Meta takon Nishanin për proçesin ''vullnetmirë'' të guvernatorit

TIRANE - Kryetari i Kuvendit, Ilir Meta zhvilloi sot një takim me Presidentin e Republikës, Bujar Nishani per emrin e guvernatorit te ri te Bankes se Shqiperise. Duke iu përgjigjur interesimit të medias pas takimit me Presidentin e Republikës, Kryetari i Kuvendit, Ilir Meta deklaroi se çështja kryesore e takimit ka qenë ajo e zgjedhjes së Guvernatorit të ri të Bankës së Shqipërisë, ku Presidenti ka bërë një ekspoze të mënyrës si ai ka proçeduar deri tani në kuadër të përmbushjes së detyrimit të tij kushtetues, për të propozuar emrin e ri. Mazhoranca do të respektojë të drejtën kushtetuese të Presidentit duke garantuar të gjithë bashkëpunimin që ky emër të jetë një garant i drejtimit profesional të Bankës së Shqipërisë dhe i ruajtjes së pavarësisë së këtij institucioni. "Është një proces vullnetmirë për të shkuar drejt konsensusit", tha Meta pas takimit që pati me Presidentin Bujar Nishani.

HermesNews - ©2014

Dërgo me email | Stampo artikullin