04/11/2014 14:10:13

Takim mbi integrimin e ballkanit

Sfida e vendeve të Ballkanit është bashkëpunim rajonal si shtysë e fuqishme për zhvillimin dhe për progresin ekonomik e social të gjithë rajonit

TIRANË - Kryetari i Kuvendit, Ilir Meta, mori pjesë sot në Konferencën Rajonale "Integrimi rajonal i Ballkanit perëndimor, një shtytëse për rritje ekonomike dhe stabilitetin". Në fjalën e tij përshëndetëse për të pranishmit, Meta deklaroi se sfida e vendeve të Ballkanit është bashkëpunim rajonal si shtysë e fuqishme për zhvillimin dhe për progresin ekonomik e social të gjithë rajonit. Kryetari i Kuvendit tha se përgjegjësia jonë është për fëmijët tanë në radhë të parë, për gjeneratat që duan të jetojnë më mirë dhe në paqe të padiskutueshme, ashtu sikurse është e sigurtë që moszhvillimi ekonomik do ta kthejë rajonin mbrapa, do të rrisë frustimin, do të zgjojë problemet etnike, do të çojë në konflikte të paevitueshme. Në takim ishte i pranishëm edhe ambasadori i Gjermanisë, Helmut Hoffmann, i cili theksoi rëndësinë e bashkëpunimit rajonal. Sipas ambasadorit gjerman, bashkëpunimi rajonal sjell njëkohësisht edhe ecurinë politike, ekonomike, sociale të rajonit. Ndërsa Kryetarja e Delegacionit të Bashkimit Europian në Tiranë, ambasadorja Romana Vlahutina, theksoi në fjalën e saj, rëndësinë që ka fokusimi tek procesi i integrimit europian për të gjitha vendet e rajonit. Dhe këtë theksoi Vlahutina mund ta sjellë vetëm një bashkëpunim si armë i frytshëm rajonal.

HermesNews - ©2014

Dërgo me email | Stampo artikullin