03/11/2014 14:21:58

$150 milionë për dritat këtë dimër

Me këtë fond do të investohet për shpërndarjen, ku do të bëhet plotësimi me 300.000 matësve në Shqipëri

TIRANE - Qeveria Shqiptare firmosi sot marrëveshjen prej $150 milionë me Bankën Botërore për financimin e rimëkëmbjes së sektorit energjetik në vend. Fondi u miratua më 29 Shtator nga bordi i drejtorëve ekzekutivë të Bankës Botërore dhe synon përmirësimin e qëndrueshmërinë financiare të këtij sektorit, me në fokus veçanërisht përmirësimin e furnizimit me energji elektrike. Ministri i Energjetikës dhe Industrisë, Damian Gjiknuri tha se kjo bëhet për të rritur besimin e investitorëve të huaj, për të financuar në vend. Marrja e kësaj mbështetje u bë pas zgjidhjes së marrëveshje me CEZ.Shqipëria ka kthyer aksionet e plota në favor të shtetit shqiptar. Projekti i rimëkëmbjes përfshin investime kapitale e mbështetje për reforma te thella. Me këtë fond do të investohet për shpërndarjen, ku do të bëhet plotësimi me 300.000 matësve në Shqipëri. Investimi do të mundësojë fillimin e liberalizimit të tregut nga viti që vjen. Humbjet në rrjet do të ulen nga 40% në 17% brenda vitit 2019. "Ne kemi parë progres në këto 6 muaj, ka arritje, por ky është një rast që mund të shfrytëzohet më tej. Shqipëria është bërë një vend që udhëheq me reformat në Ballkan, dhe kjo rrit besimin. Reformat e vonuara vetëm sa bëjnë dhimbjen më të madhe dhe ulin prosperitetin ndaj përqafoni reformën", deklaroi ajo.

HermesNews - ©2014

Dërgo me email | Stampo artikullin