03/11/2014 08:11:55

Dy shkeljet e ''EAG Communication'' me dekorin

Kompania e kandidatit për kreun e AMA-s nuk plotësoi kushte teknike, që është bilanci i vitit të kaluar. Në objektin e saj të veprimtarisë nuk parashikohej dekorimi i qyteteve

TIRANE - Kompania tetë mujore, siç e quajnë demokratët, EAG Communication, që mori përsipër dekorin e qytetit nuk plotëson kushtin teknik që është bilanci e vitit të kaluar. Lajmi u dha nga deputeti demokrat Genti Bogdani. "Përfituesi i 394 milionë lekëve me prokurim të drejtpërdrejtë, Gentian Skënderaj, është më shumë se sa përfaqësuesi ligjor i kompanisë së Erion Veliajt dhe vellait te tij", tha Bogdani. Kushti kryesor teknik ishte që kompania garuese të paraqiste bilancin e vitit të fundit. Një kusht i paplotësuar nga kompania e Veliajt, derisa kishte vetëm disa muaj që ishte krijuar, saktësisht me 17 janar të këtij viti. Një tjetër shkelje është objekti i veprimtarisë së kompanisë që nuk është dekorimi i qytetit."Objekti i i shoqërisë lidhet me organizimin e fushatave, reklamave dhe marrdhëniet me publikun. Dekorimi i qytetit nuk parashikohet. Kjo është një tjetër shkelje", shkruhet në deklaratë. A e bëjnë këto shkelje dhe ky abuzim, përfaqësuesin e Erion Veliajt një kandidat të përshtatshëm për të drejtuar Autoritetin e Medias Audiovizive ? Pyesin demokratët.

HermesNews - ©2014

Dërgo me email | Stampo artikullin