01/11/2014 13:38:33

Greqia doli nga kriza

Po dalim jo për t’u kthyer sërish, po për të vazhduar reformat në kushte zhvillimi dhe të mos lejojmë kurrë që vendi të rrëshqasë sërish në deficite dhe borxhe

ATHINË - Sot dalim përfundimisht nga kriza dhe nga memorandumi, deklaroi kryeministri grek, Antonis Samaras duke përshendetur në një veprimtari për nder të 40 vjetorit të themelimit të ONNED, organizatës së rinisë të partisë konservatore greke Demokracie e re. ”Po dalim jo për t’u kthyer sërish, po për të vazhduar reformat në kushte zhvillimi dhe të mos lejojmë kurrë që vendi të rrëshqasë sërish në deficite dhe borxhe. Po dalim në mënyrë të organizuar dhe asgjë nuk do ta na ndalojë dhe nuk do ta ndryshojmë hapin tonë, po dalim me prosperitet, kompetivitet dhe hapje ndaj botës”, theksoi kryeministri Samaras. Duke iu referuar incidenteve të disa ditëve më parë në Universitetin e Athinës, Samaras theksoi se ”marrja peng e universiteteve nga grupe të vogla mbaroi. Në botë nuk ka asnjë universitet që nuk ruhet, kjo nuk është liri, është tirani nga ana e pakicës”.

HermesNews - ©2014

Dërgo me email | Stampo artikullin