31/10/2014 11:28:41

€1800 kushtonte diploma, 5 arreste

Banda shiste diploma në bashkëpunim me njeri - tjetrin, personave qe nuk kishin qenë kurrë në shkollë

TIRANË - Pesë në pranga për diplloma të fallsifikuara. Banda është zbuluar në Tiranë. Vendimi i gjykatës është ekzekutuar dje nga forcat e policisë së shtetit. Prokuroria kërkoi arrest me burg për Afete Koka, Gramoz Shehu, Arber Pelo, Andrea Haxha (Drejtor i një gjimnazi publik në Fier) dhe Aleksia Troka Sekretare në gjimnazin publik në Fier. Shtetasit akuzohen për korrupsion pasiv. Në bashkëpunim me njeri - tjetrin këta shtetas siguronin persona që blinin diploma të fallsifikuara me 1800 Euro një. Sipas skemës së zbërthyer nga Prokuroria e Tiranës, rezulton se këta shtetas, 3 prej të cilëve nga Tirana, viheshin në kontakt me persona që kërkonin të pajiseshin me diploma të shkollës së mesme dhe më pas komunikonin me drejtorin dhe sekretaren e gjimnazit publik në Fier për t’i pajisur me dokumentin që dëshmonte se kishin përfunduar studimet. Lidhur me rezultatet e kërkuesve të diplomës në këtë Provim, zyrtarët e gjimnazit ndërhynin në rezultatin përfundimtar, duke u dhënë atyre notë kaluese. Për këtë shërbim, të gjithë personat e përfshirë ndanin shumën prej €1800 për person.

HermesNews - ©2014

Dërgo me email | Stampo artikullin