30/10/2014 15:25:09

Rrezohen dekretet e presidentit

Dy dekretet e rrëzuara sot e çojnë në pesë numrin e dekreteve që mazhoranca i refuzon Kreun të Shtetit

TIRANË - Kuvendi rrëzoi të enjten me votat e mazhorancës dekretet e Presidentit të Republikës për emërimin e Elona Stavrit dhe të Sokol Ngresit në Gjykatën e Lartë. Përmes votimit nominal, deputetët e mazhorancës rrëzuan me 73 vota kundër, 3 vota pro dhe 3 abstenime. dekretin e emërimit të znj. Stavri; ndërsa me 67 vota kundër, 7 vota pro dhe 4 abstenime u rrëzua dekreti për emërimin e Sokol Ngresit, në Gjykatën e Lartë. Dy dekretet e rrëzuara sot e çojnë në pesë numrin e dekreteve që mazhoranca i refuzon Kreun të Shtetit për emërimet e reja në Gjykatën e Lartë. Gjatë seancës dëgjimore me dy kandidatët në komisionin e Ligjeve, mazhoranca argumentoi se vota kundër e saj është pasojë e procedurës së ndjekur nga Presidenti, i cili, në kundërshtim me detyrimin ligjor nuk konsultohet paraprakisht me Kuvendin.

HermesNews - ©2014

Dërgo me email | Stampo artikullin