28/10/2014 20:40:10

Hiqet taksa e karburantit per peshkimin

Ndryshime në Ligjin ''Për miratimin e tarifës doganore'' do të pësojë edhe niveli i tarifës doganore për materialin e mbarështimit, që prek sektorin e blegtorisë, i cili është 10% dhe do të bëhet 0

TIRANE - Ministria e Bujqësisë është duke hartur një paketë të re fiskale për mbështetjen e sipërmarrjes private në sektorin e bujqësisë, agropërpunimit dhe peshkimit. Zv.ministri i Bujqësisë Alban Zusi, nu shpreh se, bujqësia po shihet si sektori më fitimprurës për ekonominë e vendit që ka marzhin më të lartë të kthimit të investimit. Ndërsa hartimi i paketës së re fiskale, synon të rrisë lehtësitë për zhvillimin e mëtejshëm të këtij sektori. “Bëhet fjalë për krijimin e lehtësive fiskale në sektorët e peshkimit dhe bujqësisë, konkretisht do të propozojmë heqjen e taksës së karburantit për peshkimin, si dhe zerimin e taksave doganore për disa produkte që shërbejnë si lëndë e parë për bujqësinë”-tha Zusi. Sipas tij, ndryshime në Ligjin “Për miratimin e tarifës doganore” do të pësojë edhe niveli i tarifës doganore për materialin e mbarështimit, që prek sektorin e blegtorisë, i cili është 10% dhe do të bëhet 0.

HermesNews - ©2014

Dërgo me email | Stampo artikullin