28/10/2014 19:37:01

Nis operacioni. Arrestohet punonjësi i OSHE

Fillon operaconi kundër lidhjeve të jashtligjshme të dritave. Arrestohet Ali Malaj punonjës i Drejtorisë Rajonale Tiranë Njesia Nr.3

TIRANE - Policia e Tiranës dhe Operatori i Shpërndarjes së Energjisë Elektrike, kanë nisur sot zbatimin e planit të përbashkët të masave për të evidentuar dhe çuar përpara drejtësisë të gjithë personat që vjedhin energjinë elektrike. Të gjithë komisariatet e policisë së Tiranës kanë qenë në terren së bashku me punonjësit e OSHE.

Operacioni u shtri në disa zona të kryeqytetit, të evidentuara më parë si zona problematike në drejtim të abuzimit me energjinë elektrike. Grupet hetimore të ngritura për këtë qëllim, duke koordinuar punën me punonjësit e Operatorit të Shpërndarjes së Energjisë Elektrike, mundësuan arrestimin e 21 personave, të cilët u kapën në kushtet e flagrancës me lidhje të dyta apo duke vjedhur energji.

Në prangat e policisë ka rënë edhe një punonjës i OSHE me detyrë faturist. Ali Malaj punonjës i Drejtorisë Rajonale Tiranë Njesia Nr.3, me detyrë faturist është arrestuar për veprën penale të “Shpërdorimit të detyrës”, parashikuar nga neni 248 i Kodit Penal.

Gjatë procedimit të shtetasve të lartëpërmendur në çdo rast janë kryer veprimet procedurale për të dokumentuar faktin e vjedhjes, duke kqyrur vendin e ngjarjes si dhe kryejen e ekspertimeve të ndryshme sipas proçedurës dhe rrethanave të ndodhura.

Po ashtu, është bërë sekuestrimi me cilësinë e provave materiale, të mjeteve dhe sendeve që kanë shërbyer për vjedhjen e energjisë.

Theksoj se, bashkëpunimi me Operatorin e Shpërndarjes së Energjisë, do të vijojë, për të analizuar dhe mbikqyrur zonat ku është proçeduar dhe ka tendenca për rilidhje të paligjshme të energjisë elektrike, duke mundësuar kapjen në arrestimin në flagrancë të vjedhësve të energjisë.

komunikatë për shtyp

Dërgo me email | Stampo artikullin