27/10/2014 10:46:27

Gjinkuri, do të arrestohen faturistët dhe elektriçistat

Rama: ''Nuk është varfëria arsyeja pse vidhet energjia. Besoj se nuk është varfëria arsyeja që dhe këtu në këtë sallë ka bashkëpuntorë të hajdutëve të energjisë''

TIRANË - Kryeministri shqiptar, Edi Rama i ben thirrje qytetareve qe te bashkohen ne operacionin kunder lidhjeve te paligjshme te dritave, aksion qe ai e quan historik.

Rama përmendi një takim me Drejtorin e Përgjithshëm të një prej kompanive më të rëndësishme për sektorin e energjisë Statkraft i Norvegjisë, i cili i kishte treguar se Norvegjia nga një vend ku vdisje urie dhe njerëzit detyroheshin ta braktisinin vendlindjen, është shndërruar në një vend që sot është një superfuqi reale energjetike.

“Nëse Norvegjia është e para në Evropë për pasuritë ujore, Shqipëria është e dyta. Por nëse Norvegjia, sektorin energjetik e ka burimin kryesor të rritjes, Shqipëria sektorin energjetik e ka burimin kryesor të problemit të së ardhmes”, tha Rama.

Rama u shpreh se që sot çelet një operacion i thellë që synon të kthejë përfundimisht faqen e vendit në këtë sektor, duke kthyer përfundimisht, vijoi Rama, "energjinë nga një pasuri që mund të vidhet lirisht, në një burim mirëqënie dhe rritje ekonomike, në një burim fitimi për Shqipërinë dhe shqiptarët me premisën që kushdo që e konsumon e paguan".

Nëse varfëria do të ishte me të vërtetë një arsye e pakapërcyeshme, pse nuk ekziston një pensionist që vjedh energjinë ? Pse nuk i shkon mendja një pensionisti, që meqë ka vështirësi ta vjedhë. Pra, theksoi Rama, "nuk është varfëria arsyeja pse vidhet energjia. Besoj se nuk është varfëria arsyeja që dhe këtu në këtë sallë ka bashkëpuntorë të hajdutëve të energjisë. Nuk besoj se e bëjnë nga varfëria, kompanitë e mëdha, lokalet në qendër të Tiranës që paguajnë energji sa një familje".

Kryeministri u shpreh se, “uji, dritat janë jetike, por edhe buka është jetike. Si ka mundësi që askujt nuk i shkon mendja të shkojë në dyqan të marrë një bukë pa paguar dhe të iki. Si ka mundësi që askush nuk shkon në dyqan të paguajë ujin dhe të iki. Ku ndryshon energjia elektrike nga këto”.

Ministri i Energjetikës, Damian Gjiknuripo ashtu ishte prezent në takimin për mbrojtjen e energjisë dhe luftën ndaj krimit urban dhe mjedisor. Ai kërkon nga policia të arrestohen të gjithë hajdutët e energjisë elektrike, përfshi këtu elektriçistet dhe faturistat. “Ka persona përgjegjës brenda kompanisë që duhet të mbajnë përgjegjësi. I kërkoj forcave të rendit që hetimin ta përqëndrojnë jo vetëm të vjedhësit, por edhe te bashkëpunëtorët e tyre të vjedhjes", tha ai.

Prokuroria deri tani ka hapur 1061 çështje penale për vjedhjen e enegjisë. Kreu i OSHEE Arben Seferi, gjatë fjalës së tij denoncon vjedhjet marramendëse të energjise elektrike, ndër të cilët janë faturat e energjisë lektrike elektrike që paguanin qytetaret. "Dritat paguheshin në postë dhe nuk faturoheshin në sistem", thotë ai. Investimet që priten të bëhen në rrjet, realizohet nga kredia e Bankës Botërore dhe fondet e kompanisë.

HermesNews - ©2014

Dërgo me email | Stampo artikullin