25/10/2014 11:32:20

Greqi, dëmshpërblime pas përmbytjeve

Zhbllokohen fondet emergjente për të dëmshpërblyer të prekurit nga përmbytjet

ATHINË - Probleme me reshjet në Greqi. Kryeministri grek, Antonis Samaras u nis më herët nga Brukseli për të drejtuar një mbledhje urgjente në qendrën operative të mbrojtjes civile. Përmbytjet kanë prekur kryesisht akset rrugore të Athinës, Atikën Perëndimore, Peristeri, Petrupolis, Ilion dhe Menidi. Në operacionet janë përfshirë 150 zjarrëfikës dhe 70 mjete të këtij shërbimi. Pas mbledhjes Samaras theksoi se ata që janë dëmtuar, do të dëmshpërblehen sa më shpejt. Në Greqi do të fillohet me një inventarizim i hollësishëm i dëmtimeve, që do të përfundojë të hënën. Ministrisë së Financave i është dhënë urdhër që të çlirojë menjëherë fondet që janë të nevojshme për çdo bashki të dëmtuar.

HermesNews - ©2014

Dërgo me email | Stampo artikullin