24/10/2014 15:45:10

Arrestohet Presidenti i Konfindustrias Shqiptare Ing.Hajredin Fratari

Deputeti Noka: ''Fratari, ka akuzuar z. Rama se i ka kërkuar 1 milionë dollarë për leje ndërtimi''

TIRANE - Presidenti i Konfindustrias Shqiptare Ing. Hajderin Fratari, 72 vjeç, është arrestuar për ndërtim pa leje. Lajmi u konfirmua nga zëdhënësja e policisë së tiranës Alma Katragjini. Arrestimi u bë sot nga blutë e komisariatit te policisë Nr.1 Tiranë. "Arrestimi i këtij shtetasi u realizua, pasi dyshohet se ka realizuar një pallat në mënyrë të paligjshme, në zonën e Selitës së Vjetër në Tiranë. Me vendim të Inspektoriatit Urbanistik Qëndror të datës 20.10.2014 kërkohet pezullimi i punimeve, pasi ka përfunduar afati i lejes së ndërtimit dhe mungon oponenca teknike, ndërkohë që në këtë ndërtesë vazhdonin ende punimet për të përfunduar", Presidenti i Konfindustrias shqiptare akuzohet për ndërtime pa leje, parashikuar nga neni 199/a të Kodit Penal.

Në të njëjtën kohë kanë reaguar demokratët. Deputeti Flamur Noka pas vizitës që ka bërë në qeli tha se, Fratari ishte arrestuar, "pa asnjë dokument të bazuar ligjor. As me vendim gjykate, as me Prokurori. Kjo është një hakmarrje e pastër politike e Edvin Ramës i cili priti momentin të bëhej kryeministër dhe të nxjerrë të gjithë dufin dhe vrerin që kishte ndaj akuzës që z.Fratari i ka bërë kohë më parë për korrupsion. Ju e mbani mend dhe të gjithë qytetarët e vendit e kujtojnë fare mirë faktin që, Dine Fratari, ka akuzuar z.Rama se i ka kërkuar 1 milionë dollarë për leje ndërtimi. Erdhi momenti që ai të hakmerret", tha Noka duke kritikuar dhe mënyrën sesi është arrestuar 72 vjeçari.

HermesNews - ©2014

Dërgo me email | Stampo artikullin