24/10/2014 11:51:08

Vitin tjetër u kompensohen dritat

Heqja e fashës së energjisë elektrike nuk prek pensionistët dhe familjet që trajtohen me ndihmë ekonomike (familjet në nevojë). Diskutimet në Parlament vitin tjetër, siguron Rama

TIRANE - Nga 1 Janari i vitit të ardhshëm nuk do të ketë më gjysëm çmimi për konsumatorët e energjisë elektrike L7,7 për 300 kilovat/orët e para të konsumit të energjisë. Kjo do të rrisë të ardhurat nga arkëtimet në buxhet si një prej kushteve të vëna nga FMN në Tiranë. Qeveria ka vendosur të gjejë një rrugë të tretë për rritjen e arkëtimeve. Nga njëra anë, siguroi dje kryeministri heqja e fashës së konsumit të enerjgisë elektrike do të ndërpresë abuzimet në rrjet, dhe nga ana tjetër pensionistave dhe familjeve me pak të ardhura do t'u kompensohen paratë që paguajnë për fashën e plotë të konsumit të dritave. Proozimi u bë dje nga kryeministri Rama në Parlament, "Do ta shikojmë këtu në këtë Kuvend sesi kjo do të ndodhë përsëri", tha Rama. Për të siguruar një rimbursim të ndershëm të energjisë elektrike do të duhet me siguri kujdes në shpërndarjen e drejtë të ndihmës ekonomine, pra një luftë të hapur me abuzuesit.

HermesNews - ©2014

Dërgo me email | Stampo artikullin