22/10/2014 18:54:34

Çmime për 7 restorante në Tiranë

Nismë e Unionit të Dhomave të Tregtisë italiane, realizuar në bashkëpunim me Institutin Kombëtar të Kërkimeve (ISNART) dhe me dhomat e Tregtisë Italiane nëpër Botë

TIRANE - Shtatë janë restorantet ne Shqipëri të cilëve do t’iu dorëzohet marka “Mikpritja Italiane” gjatë një aktiviteti të organizuar nga Dhoma e Tregtisë Italiane në Shqipëri - CCIA, në bashkëpunim me Ambasadën Italiane në Tiranë.

«Mikpritja Italiane – Restorante Italiane në Botë» është një nismë e Unionit të Dhomave të Tregtisë italiane, realizuar në bashkëpunim me Institutin Kombëtar të Kërkimeve (ISNART) dhe me dhomat e Tregtisë Italiane nëpër Botë (në këtë rast në bashkëpunim me Dhomën e Tregtisë Italiane në Shqipëri), e cila finalizohet me lëshimin e një çertifikate cilësie për të gjithë ato restorante që shërbejnë kuzhinë italiane të vërtetë e që garantojnë respektimin e standarteve të cilësistë që janë karakteristikë e mikpritjes italiane.

Projekti “Restorantet italiane në Botë” gëzon edhe bashkëpunimin e Ministrive italiane të Turizmit, të Punëve të Jashtme, të Zhvillimit Ekonomik dhe të Ministrisë së Pasurive Kulturore e të Politikave Agrare.

Eventi i organizuar nga Dhoma e Tregtisë Italiane në Shqipëri– CCIA në bashkëpunim me Ambasadën Italiane në, do të mbahet më datë 23 Tetor 2014 në orën 19:00 pranë Rezidencës së Ambasadës Italiane.

HermesNews - ©2014

Dërgo me email | Stampo artikullin