22/10/2014 11:34:48

Rama paralajmëron

Lidhjet e jashtëligjshme do të ndërpriten, ose abuzuesit do të shkojnë në burg

TIRANE - Pesë ditë kohë për ata që vjedhin energjinë elektrike. Të shkëpusin lidhjet e jashtëligjshme. Ky është paralajmërimi që vjen nga Kryeministri Edi Rama, pas disa arrestimesh të kryera nga Policia e Shtetit për vjedhje të energjisë elektrike. "U mbyll plani i operacionit special kundër vjedhjes se energjisë. 5 ditë kohë për ke s’do të dënohet me burg. Boll e ka pësuar kush paguan", shkruan Rama në fb. Ministri i Energjisë dhe Industrisë, Damian Gjiknuri ka deklaruar se nuk do të ketë asnjë tolerim për ata që vjedhin energjinë. Gati 20% e energjisë elektrike është vjedhje e pastër dhe pjesa tjetër rreth 20% është humbje teknike për shkak të mungesës së investimeve prej shumë vitesh. Për të ulur nivelin e humbjeve, Ministria e Energjisë dhe Industrisë mes projekteve financuar nga Banka Botërore, synon plotësimin me matësa të te gjithë konsumatorëve dhe eliminimin e faturimit aforfe. Po negociohet paketa më e rëndësishme financiare prej 150 milionë USD miratuar nga Banka Botërore, me qëllim që rreth 100 milionë USD të shkojnë në sektorin e shpërndarjes. Këtij sektori do t’i shtohen edhe 50 milionë USD të tjera nga dy institucione ndërkombëtare, me qëllim që të bëhet një sektor i qëndrueshëm shpërndarja e energjisë. Në periudhën 2012-2013 arriti në 200 mijë numri i konsumatorëve që konsumonin energji pa pasur matësa dhe për pasojë, u shënua nivel i lartë i humbjeve të energjisë.

HermesNews - ©2014

Dërgo me email | Stampo artikullin