21/10/2014 18:26:04

ISIS prodhon $800 mln naftë

Kabineti amerikan vlerëson se ISIS kontrollon kapacitete prodhuese prej 350 mijë fuçi në ditë

LONDËR - Prodhimi i naftës nën kontrollin e Shtetit Islamik (ISIS) vlerësohet rreth 800 milionë dollarë në vit, ose dy milion dollarë në ditë, sipas llogaritjeve të organizmit amerikan IHS. “ISIS-i mund të gjenerojë të ardhura të konsiderueshme thjesht duke prodhuar një pjesë të vogël të sasive të naftës të territorit që ata kontrollojnë dhe duke e shitur naftën që ata prodhojnë kontraband”, thekson IHS-ja në një komunikatë. Kabineti amerikan vlerëson se ISIS kontrollon kapacitete prodhuese prej 350 mijë fuçi në ditë por prodhojnë vetëm 50 mijë deri në 60 mijë fuçi në ditë, që më pas e shesin kontrabandë me një çmim rreth 25 deri në 60 dollar për fuçi, pra shumë më pak sesa tarifat e tregut ndërkombëtar, aktualisht në tregjet botërore një fuçi shitet rreth 85 dollarë. “Nafta ushqen makinerinë e luftës së ISIS-it, në veçanti automjetet ushtarake që janë jetësore për lëvizjet e tyre dhe kapacitetet luftuese si dhe financon drejtpërdrejtë aktivitetet e shumta të grupit”, thekson organizmi.

HermesNews - ©2014

Dërgo me email | Stampo artikullin