21/10/2014 18:03:12

Londra rrit manovrat në Siri

Dronë dhe avionë përgjues që nuk do të kenë autorizimin që të përdorin armët e tyre, janë disa masa të reja që do të merren në Siri

LONDËR - Ministri britanik i mbrojtjes, Michael Fallon, njofton zgjerimin në Siri të manovrave të dronëve dhe avionëve përgjues. "Përveç operacioneve që zhvillojnë në Irak, dronët dhe avionët përgjues do të autorizohen të zhvillojnë fluturime mbështetëse në Siri, ku do të mbledhin të dhëna në kuadrin e përpjekjeve tona për mbrojtjen e sigurisë kombëtare kundër kërcënimit terrorist", deklaroi ministri në një letër që u drejtohet parlamentarëve. Dronët nuk do të kenë autorizimin që të përdorin armët e tyren në Siri, një gjë e tillë kërkon autorizim ekstra. Ministri theksoi gjithashtu se hyrja në hapësirën ajrore siriane do të zhvillohet shumë shpejt. Parlamenti britanik autorizoi më 16 shtator operacione ekskluzivisht ajrore kundër ISIS-it në territor irakian.

HermesNews - ©2014

Dërgo me email | Stampo artikullin