18/10/2014 18:03:33

Haxhinasto inspekton impiantet në Velipojë dhe Shëngjin

Të ulim kostot dhe të kemi mundësi që të ardhurat që gjenerohen të përdoren për investime të tjera me qëllim që te përmirësohet shërbimi i ujësjellës-kanalizimeve

SHKODER - Ministri i Transportit dhe Infrastrukturës Edmond Haxhinasto inspektoi sot dy Impiantet e Trajtimit të Ujërave të Përdorura në zonën bregdetare Shëngjin – Velipojë (foto).

Gjate vizites në impiantin e Shëngjinit, një investim tashmë i realizuar prej 4.7 milion euro, i cili i sherben rreth 60 mijë banorëve Ministri Haxhinasto tha se ishte shumë i rëndësishem për gjithë infrastrukturën e zonës.

Funksionimi normal i këtij impianti ka sfidat e veta, si ato që kanë të bëjnë me kostot e operimit. Ky është një problem i përgjithshëm i gjithë sistemeve tona të ujësjellës-kanalizimeve, në strukturën e kostove të tyre elementi i energjisë elektrike është shumë madhor, e cila bën që shteti të jetë vazhdimisht i angazhuar për të subvencionuar këto kosto për të qenë të përballueshme nga qytetarët, u shpreh Ministri.

Ministrit Haxhinasto e konsideroj ketë një sfidë të madhe për Drejtorinë e Përgjithshme të Ujësjellës Kanalizimeve dhe për të gjithë ndërmarrjet e ujësjellës-kanalizimeve që të punojmë sëbashku, për të përmirësuar eficencën e sistemeve të ujësjellës-kanalizimeve, me qëllim që të ulim sa më shumë kostot dhe të kemi mundësi që të ardhurat që gjenerohen të vazhdojnë të përdoren edhe për investime të tjera me qëllim që te përmirësohet sa më mirë shërbimi i ujësjellës-kanalizimeve.

Ai gjithashtu shtoi se në Lezhë së shpejti do të realizohet edhe një investim tjetër shumë i rëndësishëm prej rreth 11 milion eurosh për sistemin e rrjetit te ujësjellësit të qytetit. “Ai do të ketë një impakt shumë të madh për Lezhën, Shëngjinin, për gjithë këtë zonë që është një nga zonat me potencial turistik shumë të madh të vendit”, tha Haxhinasto

Me pas Ministri vizitoi edhe Impiantin e Trajtimit të Ujërave të Perdorura në Velipojë. “Edhe ky investim është gjithashtu një zhvillim shumë pozitiv për infrastrukturën e ujësjellës-kanalizimeve të kësaj zone me një potencial turistik të jashtëzakonshëm”, tha ai duke e konsideruar kete si nje nga projektet më të rëndësishmit për trajtimin e ujërave të zeza, ku aktualisht ka përfunduar faza e dytë.
























“Eshtë realizuar investimi për pjesën kryesore të impiantit të trajtimit të ujërave të zeza që do t’i shërbejë rreth 55 mijë banorëve. Sfidë e madhe në këtë moment mbetet lidhja e kolektorëve të sistemit me përdoruesit e ndryshem”, tha ai.

Njekohesisht ai kerkoj edhe nje mbeshtetje me te madhe nga ana e pushtetit lokal per kete ceshtje. Është shumë e rëndësishme që të angazhohet fuqishëm edhe pushteti vendor, pasi Drejtoria e Përgjithshme e Ujësjellës Kanalizimeve dhe ajo e zonës këtu, janë të angazhuara plotësisht dhe do të japin mbështetjen e tyre maksimale, do të shikojmë mundësine e mbështetjes edhe nga buxheti i shtetit, por projekti është konceptuar ku duhet një angazhim i drejtpërdrejtë edhe i banorëve të kësaj zone pasi ndryshimi që mund të realizojmë nëpërmjet plotësimit të të gjithë rrjetit të ujësjellësit dhe të kanalizimeve në këtë zonë është i jashtëzakonshëm për vetë vecoritë mjedisore që ka zona e Velipojës, si një zonë ekologjikisht nga më të pastrat e Shqipërisë, pra për t’a ruajtur atë si të tillë dhe për të shfrytëzuar potencialin e madh turistik që ajo ka, tha Ministri Haxhinasto.

Afati i përfundimit të këtij projekti në tërësinë e tij, është fillimi i vitit 2016.

Gjate fjales se tij Ministri edhe njehere shprehu gadishmerine për të bashkëpunuar ngushtësisht me pushtetin vendor edhe me gjithë institucionet e tjera, me qëllim që jo vetëm te përfundojmë në kohë këtë impiant por sic theksoj ai “sa më shpejt t’i japim të gjithë banorëve të Velipojës, por dhe turistëve që vijnë këtu gjatë një sezoni turistik relativisht të gjatë shërbimin më të mirë të mundshëm”.

Një nga problematikat që ka patur turizmi është dhe derdhja e ujërave të zeza në liqene, lumenj apo në bregdet. Kur do të marrë përfundimisht zgjidhje kjo problematikë në gjithë territorin shqiptar ? Të njëjtën situatë ka përjetuar Liqeni i Shkodrës duke i shkaktuar dëme të konsiderueshme.
























Ky është një problem madhor, cështja e trajtimit të ujërave të ndotura. Akoma Shqipëria ka nivele të ulta të trajtimit të ujërave të përdorura në nivelet rreth 25%. Pra rruga që duhet të bëjmë është mjaft e gjatë dhe sfida jonë është që të angazhojmë dhe të programojmë investimet për të realizuar trajtimin e këtyre ujërave por para së gjithash duhet të bëjmë funksionale të gjithë impiantet ku ne, partnerët dhe donatorët e ndryshëm kanë investuar, sic është rasti konkret i Velipojës. Prandaj, këto investime ti bëjmë funksionale dhe padiskutim të fillojmë të programojmë edhe investime të tjera me qëllim që ta ruajmë mjedisin sa më të pastër dhe të shfrytëzojmë të gjithë mundësitë e jashtëzakonshme turistike që ka Shqipëria.

HermesNews - ©2014

Dërgo me email | Stampo artikullin