17/10/2014 15:21:27

Liderët mblidhen në Milano për ukrainën

Në Itali po mbahet një minisamit për krizën mes rusisë dhe ukrainës

MOSKË - Disa pjesëmarrës në minisamitin e Milanos mbi krizën ukrainase refuzojnë të përballen me realitetin duke vështirësuar negociatat dhe rritur mosmarrëveshjet dhe keqkuptimet, theksoi sot zëdhënësi i Kremlinit, Dmitri Peskov. "Diskutimet janë të vështira, ka shumë mosmarrëveshje dhe shumë keqkuptime. Por, pavarësisht gjithçkaje, ka një shkëmbim mendimesh", tha zëdhënësi duke shtuar se Rusia është e hapur për diskutime. Presidenti rus, Vladimir Putin dhe ai ukrainas, Petro Poroshenko filluan para pak minutash një takim në Milano, në praninë e liderëve kryesorë europianë. Dy presidentët u pritën nga kryeministri italian, Matteo Renzi në prefekturën e Milanos, në kuadër të samitit të ASEM-it, që u hap dje.

HermesNews - ©2014

Dërgo me email | Stampo artikullin