17/10/2014 13:25:59

Bileta elektronike në muze

Përurohet sistemi i ri i financuar nga Fondacioni Shqiptaro - Amerikan për Zhvillim (AADF)

TIRANE - Në Muzeun Historik Kombëtar, në një ceremoni të veçantë, u perurua sistemi i biletarisë elektronike. Në sajë të një projekti të financuar dhe zbatuar nga Fondacioni Shqiptaro - Amerikan për Zhvillim (AADF) dhe mbështetur nga Ministria e Kulturës, të pranishëm në këtë ceremoni ishin Kryetari i Bordit Drejtues të AADF, Michael Granoff, anëtarët e tjerë të bordit drejtues, ministrja e Kulturës, Mirela Kumbaro dhe drejtori i Muzeut Historik Kombëtar, Melsi Labi. “Kjo është nisma e një strategjie që Ministria e Kulturës e ka filluar punën për realizimin e saj që prej një viti, mbi një menaxhim më të mirë jo thjesht të trashëgimisë, jo thjesht të një etape, por për të gjithë sistemin”, u shpreh Kumbaro në fjalën e sajë. Ajo theksoi se “një nga momentet kyçe të sistemit të trashëgimisë, është se sa arrijmë ne që këtë sistem ta bëjmë të qëndrueshëm, tërheqës dhe që të prodhojë edhe të ardhura”. Projekti i këtij sistemi ne trashëgiminë kulturore shqiptare, ka përfshire edhe site te tjera ne vend, si muzeun e Krujës, Kalanë dhe Muzeun Onufri ne Berat, Parkun Arkeologjik te Fierit, Kalanë e Rozafës ne Shkodër dhe ate te Gjirokastrës.

HermesNews - ©2014

Dërgo me email | Stampo artikullin