17/10/2014 11:35:33

Veliaj, të fitojmë betejën juridike

''Ngjarja e fundit tregon se sa nevoje kemi për juristët, për të patur avokate ekselente për të na përfaqesuar brenda e jashtë vendit dhe shembulli i fundit është pjesë e kësaj''

TIRANË - Ministri i Mirëqenies Sociale dhe Rinisë, Erion Veliaj, mori pjesë sot në ceremonine e organizuar me studentët e Fakultetit të Drejtësisë, që mbyllën me sukses praktikën, duke e cilësuar praktikën si “një garë që jo të gjithë do ta përfundonin”. Ministri Veliaj tha se “ndjehem krenar që 90% prej jush e mbaruat këtë maratonë dhe mezi pres që të jeni fytyra e re e drejtësisë shqiptare. Nuk mund ta anashkaloj jo vetëm konteksin e reformës në drejtësi, por edhe kontekstin e ngjarjes së fundit që ndodhi në Beograd. Unë besoj se 100% kemi fituar betejën morale, por tashme ka filluar një beteje tjetër, ajo juridike, që të mbledhin faktet dhe të provojnë me fakte atë që ndodhi. Edhe ngjarja e fundit tregon se sa nevoje kemi për juristët, për të patur avokate ekselente për të na përfaqesuar brenda e jashtë vendit dhe shembulli i fundit është pjesë e kësaj. Tani që kemi fituar betejnë morale, na duhet mendja dhe talenti juaj për të fituar edhe betejën juridike”, theksoi Veliaj.

HermesNews - ©2014

Dërgo me email | Stampo artikullin