17/10/2014 08:57:30

Arrestohet kryepolici në Divjakë

SHKB arreston Shefin e Stacionit policor Divjakë, Gjergji Çelaj. Dyshohet se dekonspironte aksionet policore kundër aktivitetit të paligjshëm të lojërave të fatit

TIRANE - Shërbimi i Kontrollit të Brendshëm, në Ministrinë e Brendshme ekzekutoi Urdhërin e Prokurorisë për “Arrest me burg”, nga Gjykata e Shkallës së Parë të Rrethit Gjyqësor Lushnje, për N/Komisar Gjergji Fatmir ÇELAJ, me detyrë Shef i Stacionit të Policisë Divjakë. Çelaj akuzohet për “Shpërdorimit të detyrës”, “Korrupsion pasiv të personave që ushtrojnë funksione publike” dhe “Nxjerrjes së sekretit”. Arrestimi i tij u bë sepse në kohë të ndryshme përgjatë vitit 2014, ka favorizuar persona që ushtronin aktivitetin e paligjshëm të lojërave të fatit në zonën e Divjakës.Në këmbim të përfitimit të shumave të konsiderueshme monetare, nga pronarët e disa pikave të basteve që ushtronin aktivitet të paligjshëm, dyshohet se Gjergji Çelaj dekonspironte operacionet e Policisë së Shtetit, për goditjen e këtij aktiviteti të paligjshëm.

komunikatë për shtyp

Dërgo me email | Stampo artikullin