16/10/2014 17:23:51

Shpërbëhen eurofobët nga Parlamenti Europian

Kjo lëvizje ndodh një javë para votimit për miratimin e Komisionit të ri Europian drejtuar nga Jean-Claude Juncker dhe do të jetë shumë e dukshme gjatë seancës plenare

BRUKSEL - Grupi eurofob në Parlamentin Europian, i drejtuar nga britaniku, Nigel Farage u shpërbë pas largimit të deputetes së tij letoneze, Iveta Grigule, njoftoi sot Parlamenti Europian. "Eurodeputetja lituaneze, Iveta Grigule u largua nga EFDD-ja dhe për këtë arsye nuk ka më përfaqësues të ardhur nga shtatë vende anëtare. Për këtë arsye kjo parti shpërbëhet që prej ditës të sotme", njoftoi zëdhënësi i Parlamentit Evropian, Jaume Duch. Kjo lëvizje ndodh një javë para votimit për miratimin e Komisionit të ri Europian drejtuar nga Jean-Claude Juncker dhe do të jetë shumë e dukshme gjatë seancës plenare, sepse Nigel Farage dhe aleatët do të vihen përkrah të zgjedhurve të Frontit Kombëtar francez në radhët e të paregjistruarve dhe do të ndajnë me njëri-tjetrin kohën e fjalës që iu rezervohet, nënvizoi burimi parlamentar. Nigel Farage është treguar shumë i ashpër kundër Jean-Claude Juncker gjatë debatit në muajin korrik, para votimit për konfirmimin e emërimit të tij në krye të Komisionit Europian.

HermesNews - ©2014

Dërgo me email | Stampo artikullin