16/10/2014 15:19:31

''Papa'' para Ambasadës Serbe në Tiranë

Të rinjtë e PDIUs mblidhen para ambasadsë serbe në një tubim paqësor

TIRANË - Klubi i Patriotëve të Rinj te PDIU-se, ka zhvilluar sot një tubim paqësor përpara Ambasadës Serbe në Tiranë, ku iu kërkua autoriteteve politike serbe të tërhiqen nga deklaratat antishqiptare të ditëve të fundit. Demonstruesit kanë përdorur si simbolikë shprehjen e Papa Franceskut se “Shqiponjat duhet të fluturojnë në qiell” dhe vargjet e Naim Frashërit, ku dhjetra të rinj deklaruan krenarinë e të qenit shqiptar në nivel të lartë qytetarie. Në fjalën e mbajtur nga përfaqësuesi i KPR, Albano Idrizi, u theksua se Klubi i Patriotëve të Rinj zhvillon këtë tubim paqësor për t’i shtrirë dorën e bashkëpunimit asaj pjese të shoqërisë serbe që është mendjehapur dhe e ka kaluar mentalitetin e së kaluarës. Po ashtu, Idrizi u shpreh se “në stadium u dëgjuan thirrjet “Vritini shqiptarët” dhe “Vdekje shqiptarëve”. Në stadium u dhunuan dhe u gjakosën 11 sportistët e kombëtares shqiptare, të cilët mbrojtën simbolet kombëtare. Por, ne nuk do të përgjigjemi me të njëjtën monedhë. E gjithë bota e pa se çfarë ndodhi në stadium. E gjithë bota e pa që akuzat serbe në fakt ishin te frymezuara nga veprimet e nacionalisteve serbe!”.

HermesNews - ©2014

Dërgo me email | Stampo artikullin