15/10/2014 17:03:45

Jo më fëmijë të pashoqëruar

Përgjigje efikase ndaj emigrimit të të miturve të pashoqëruar nga Shqipëria drejt vendeve të BE

TIRANE - Stafet e shërbimeve sociale do të përbëhen vetëm nga të diplomuar për shërbimet sociale që i ofrojnë këto shërbime dhe jo nga agronomë që bëjnë administratorin social. Kështu ka deklaruar ministri i Mirëqenies Sociale dhe Rinisë, Erion Veliaj, në tryezën "Përgjigje efikase ndaj emigrimit të të miturve të pashoqëruar nga Shqipëria drejt vendeve të BE", nismë e Delegacionit të BE në Shqipëri, Ambasadës Italiane dhe Organizatës Ndërkombëtare për Migracionin (IOM). Veliaj tha se "çdo rast i një fëmije që largohet i pashoqëruar përbën në thelb një rast potencial, ku interesi më i lartë i fëmijës vihet në rrezik". Departamenti Amerikan i Punës në raportin vjetor mbi shfrytëzimin e fëmijëve për punë, ku janë marrë në shqyrtim 143 vende, e ka vlerësuar Shqipërinë si një nga 13 vendet që kanë shënuar progres domethënës në përpjekjet e saj për të eleminuar format më të këqija të shfrytëzimit të fëmijëve për punë. Ai nënvizoi se MMSR po reformon të gjithë menaxhimin e skemës së ndihmës tonë ekonomike, në mënyrë që të eleminohen abuzimet skandaloze në skemë, por edhe të sigurohemi që ndihma shkon tek familjet më në nevojë.

HermesNews - ©2014

Dërgo me email | Stampo artikullin