15/10/2014 16:20:49

Ulet papunësia në Britani

Papunësia ka rënë ndjeshëm në raport me përqindjen 6,2 për qind të popullsisë aktiv

LONDËR - Përqindja e papunësisë në Britaninë e Madhe ka vijuar me rënie në 6,0 për qind në fund të muajit gusht duke arritur në nivelin më të ulët që prej fundit të vitit 2008, njoftoi sot Zyra Kombëtare e Statistikave (ONS). Papunësia ka rënë ndjeshëm në raport me përqindjen 6,2 për qind të popullsisë aktive, matur në fund të muajit korrik. Vendi numëronte 538 000 të papunë të paktën një vit më parë, ulja më e madhe që prej nisjes së regjistrimit të statistikave në vitin 1972. Qeveria përshëndeti këtë lajm të mirë që përkon pikërisht para zgjedhjeve të ardhshme që do të zhvillohen në pranverë dhe konfirmon mbarëvajtjen e ekonomisë britanike. “Rimëkëmbja ekonomike nënkupton që vendi po bëhet me ritme të shpejta krijuesi kryesor i vendeve të punës mes ekonomive botërore”, theksoi liberal demokrati, Danny Alexander, kryesekretar i Thesarit. Kryeministri konservator, David Cameron përshëndeti uljen më të madhe të papunësisë në histori, por shtoi se ka ende shumë për t’u bërë duke iu referuar premtimit për të vazhduar politikën shtrënguese për rimëkëmbjen e llogarive publike nëse rizgjidhet vitin e ardhshëm.

HermesNews - ©2014

Dërgo me email | Stampo artikullin