15/10/2014 10:35:04

Washington Post: incidentet filluan më herët

Gjithçka filloi me djegjen e flamujve të NATOs në shkallët e stadiumit

NEW YORK - Me një atmosferë jashtëzakonisht sportive, është përcjellë në New York ndeshja me serbinë. Shqiptarët kanë krijuar një atmosferë të paparë që do të mbahet mend gjatë. Sipas komentatorëve sportivë amerikanë, Serbia mund të ishte fajtore për incidentin sepse masat e marra për organizimin e kësaj ndeshjeje nuk ishin aq të mira. Washington Post ka reaguar pothuajse në mënyrë të njëjtë, duke thënë se serbët përdorën dhunë mbi shqiptarët dhe ishin shkaktarët e trazirave që filluan para ndeshjes. Tifozët e ekipit të futbollit të Serbisë - kanë djegur në shkallët e stadiumit më parë flamurin e NATOs. Ekipi kombëtar shqiptar i futbollit udhëtoi në Beograd për herë të parë, që nga viti 1967 për të luajtur me Serbinë në një ndeshje kualifikuese të Kampionatit Europian të martën në mbrëmje. Ndeshje, kjo, që përfundoi para kohe, 3 minuta para se të mbyllej pjesa e parë, kur në stadium shpërthyen trazir. Sipas komentatorit sportiv të ESPN, "sipas të gjitha gjasave, Shqipëria pritet të marrë tre pikë në tavolinë nga ky takim, pasi Kombëtarja jonë mund të shpallet fituese (në tavolinë) me rezultat 3-0 dhe, nëse nuk ndodh kështu, atëherë ndeshja do të vazhdojë aty ku mbeti, por do të luhet pa tifozë".

Beqir Sina

Dërgo me email | Stampo artikullin